Subject Committee-III hi Committee dang te zingah tun 9th Assembly ah hian tum sawm pahnih (12) thu tawhin, spot visit vawi khat leh Departmental Discussion, Department pathum (3) lakah tum 5 a lo neihpui tawh a. Vawiina Subject Committee- III Report rawn present hi Finance Department (Taxation) kaihhnawihah hian Committee in ngun taka a ngaihtuah hnuin Recommendation hrang hrang a siam a ni.

Kan ram a chhiah khawn chungchanga tlakhniamna te, chhiah khawn tur tamtak hloh avanga mipuiin kan tawrh phah theihna te, Taxation Commissionerate thawm that a tulnate leh Committee in a ngaihpawimawh hrang hrang tarlan a ni a.

Committee-in recommendation a siam zinga an ngaih pawimawh pakhat chu chu Bakijai/Certificate Officers kuta pending case ₹70,61,22,970/- awm thu leh, hei hi Department pawhin lo chhinchhiah deuh a pawimawh thu Committee chuan a tarlang a ni.

Subject Committee-III Frist Report relating to Finance Department (Taxation) ah hian recommendation sawmpathum (13) a awm a.

The Mizoram Public Demand Recovery Act hnuaia rules ah, mipui ten Bakijai te hmalakna an hriatchian lehzual theih nan House ah Annual Report lay tura provision siam te, Taxation Department thawm chak a tul thu te leh, Railway station ah Taxation centre din te, GST danin a phut anga Service Sector hrang hranga dan anga chhiah khawn tura hmalakna tura rawtna te a awm a ni.

Subject Committee – III ah hian members paruk - W Chhuanawma, K Beichhua, Lalchhuanthanga, Lt Col Clement Lalhmingthanga, R Rohmingliana leh Baryl Vanneihsangi te an awm.